شكرا كوتش دعاء على هالبرنامج الجميل... ممتنه لكل شي تعلمته فهالبرنامج وكيف فتح لي تواصل مع نفسي والاخرين ونظرتي للحياه بشكل مختلف، مانتهت تجربتي فيه ولكني حابه اشارك اللي مريت فيه لحد الحين ... دعوتي اللي الله استجاب لها بان حياتي تتيسر وتتسهل من اول سشن اللي عرفت فيها استراتيجيتي، صار تحول عجيب فحياتي اول شي شفته فعلاقاتي ... اهلي وخواتي صرت مره اقرب منهم اقدر اشوفهم بمنظور مختلف، وصحتي تغيرت ١٨٠ درجه اللهم لك الحمد. احس بديت استوعب هذي انا او لا او ترانزيت او تاثير ترى حتى لو ماعرف مراكز اللي حولي بس استشعر التغير فيني من خلال معرفتي انا بمراكزي وشو ملون عندي وشو مو ملون لان انا صرت اعرفني اكثر صرت اعرف اكثر شو اللي مو انا ... الله يجزاج كل خير ويارب كل شخص قلبه يدله ع هالمكان الحلو ويناسبه يوصل لمعلمه شاطره مثلج ويقدر يعرف شكثر هو بكل شي فيه جميل ومميز وان الناس اللي تحس الحياه صعبه تعرف ان دايما في مسار مختلف ممكن ياخذونه يخلي حياتهم اسهل، لان نحن في كل الاحوال ماشين للشي اللي حابين واخترنا نروحه قبل مننسى كل شي ووين رايحين يانروحه ونحن مستانسين والدرب ميسر او نختار نصارع وانا بصراحه جربت وماابيه ما ابي الا اليسر بحياتي... وابي الناس اللي تختار تكون سعيده تعرف ان في طريقه تعلمنا كيف نختار ونقرر بنفسنا وان كلنا نقدر نكون هالقائد لحياته بالطريقه اللي تمثله هو. ممتنه اني اخترت هالنظام وممتنه لج انج تعلمينه وعلمتيني وقدمتيه بالعربي وممتنه حتى لرا او رو هو والصوت اللي وصله، وممتنه للحياه انها بعدها مستمره وجميله وممتنه ان في يسر وسهوله وطريقه نقدر نسمعنا فيها بشكل ادق وخاص فينا ، وممتنه لله اللي دلني لهالدرب.